يسرية محمد الحسن
رجال من الزمن الجميل (6)
فجاه ودون ان تحس بالزمن. او تشعر به ...توقف محرك السياره ليصمت الجميع.....فحكاوي الدكتور الظريف جعلت المسافه من ام درمان الي جبيل الطينه اقل من رمشه عين والكل تملؤه الغبطه والسرور ....كيف لا ورفيقنا في الدرب...اظرف ظرفاء السودان ......مظاهر الفرح الكبير تلف المكان ....صيوانات ضخمه نصبت في الطرقات ....والزينات معلقه علي اعمده الشوارع ..وكأن اليوم عيد ....واظنه كذلك لاهل هذه البلده الصغيره ....حتي الاطفال يلبسون ملابس جديده ....ويحملون في اياديهم الصغيره البالونات الملونه وهم في احلي حله ....كالحي باكمله ....الذي ازدان زينه الفرح فبدا لنا من روائح الشواءات المنبعثه من المكان ان اليوم. اول ايام العيد الكبير ....ترجلنا من سياراتنا واذا برهط من الرجال يتقدمون نحونا مرحبين ...بينما كانت هناك بعض النسوه يقفن بالخلف ومجرد ان رأوني تقدمن نحوي مرحبات .....واصطحب الجميع حيث الافطار.......انتهي الافطار ومظاهر الاستقبال الرائع وللمره الاولي اقابل الرجل المهيب بابكر ود الجبل الذي احتفي بنا هو الاخر ....وكان ان وصل وزير الصحه الاتحادي. قلواك دينق وبعض المسؤولين ورجال المال والاعمال وعدد من الصحافيين لتوثيق الحدث ....قص الشريط التقليدي ايذانا بالافتتاح وصفق الجميع وزغردن النسوه ودوي صوت طلقات الرصاص. فرحا بالمناسبه ....طفنا مع الوفد الرسمي اقسام المستشفي المختلفه ...وحقا وكما اخبرنا د. عوض كل ما بها اجهزه حديثه للغايه واسره بيضاء جميله. تسر الناظرين ...فضلا عن الطاقم الطبي الفخيم ...الذي اخذ كل في مكانه يشرح ويتحدث عن المهام والاجهزه واستخداماتها وكل ما له علاقه بالمستشفي الحديث.......بعد ان اجرينا اللقاءات والمقابلات المعتاده في مثل هذه الاحتفالات ضمنا صالون ود الجبل ....د. عوض ينثر الفرح والالق والمسره في المكان..الكل يتحلق حوله والكل اذان صاغيه اليه ...يحكي وهو يعلم ان حديثه لا يمل ......عليكم الله حامد بريمه ده اكان صقر حايم في السما تلقاهو قبضو !!... المباراه امس نستني قروشي الخسرتها لامن قفلت العياده ومشيت الاستاد !!!...انا كان ما صفقت وكوركت في المنصه ما بتكييف !!....امس العياده مليانه اتقول الخرطوم كلها جاها وجع ضرس !!....كشفت علي مريضيين وزمن المباراه هلال مريخ. قرب .....مرقت اعاين....لقيت العياده دي....النساوين جارين شفعم..والرجال ما يدوك الدرب .....اصلي ما كضبت...صفقت عشان يبطلوا نقه .....قلت ليهم. هووي...اسمعوني كويس ....انتو دايرين الجد. ولا ابن عمو !!... انا من فتحت العياده دي ما شفت لي زول كتلو ضرس ....امشوا. وتعالو بكره ....!!.....استاذن قلواك ووفده وغالب الضيوف ...بقينا لوحدنا مع صاحب الدار وكعادتنا نحن المذيعون حتي وان لم نك امام الكاميرات او المايكرفون تجري الاسئله علي السنتنا ....طفقت اسال ود الجبل وهو يجيب بهدوء شديد ....اخذ الحديث بيننا مناحي كثيره وحكي فيما حكاه ان الرءئيس نميري كان قد استدعاه ذات مره الي مكتبه واستقبلوه في احدي صالونات القصر الجمهوري ...ولم يطل الوقت حتي سمح له بمقابله الريس الذي مجرد ان وقعت عيناه عليه ساله....انت ود الجبل ؟......رديت....نعم واردف بابكر بانه تلقي صفعه حاره جدا من النميري. تبعها اتبعها الريس مزمجرا ...بكره دي داير الدولار القاهو نزل !!.....قوم امشي ...!! ولم اشا ان اساله. وهل فعلتم !!....ام ماذا حدث بعد ذلك !!!.... لم اساله. ولم يعقب .....سالته عن ثروته وكيف اصبح من اكبر اثرياء البلد ....اجاب بانه كان صبيا صغيرا يتاجر بالحمام. والبيض وزيت السمسم من الجبل. والي الخرطوم .....تلك كانت اولي خطوات مشواره مع دنيا المال والاعمال !!...حديثه قليل وهدؤه كثير يبعث الطمانينه الي النفس .....شوفي انا اي حاجه في نفسي اتمنيتا. لقيتا !!...اتمنيت اركب حمار ابيض....اشتريت الحماره البيضا !!... اتمنيت اركب عربيه..هسي راكب مرسيدس شبح !!....مره كنت في الطايره مسافر اديت الزول الراكب جنبي يملا لي الورق البيملوهو داك .....بعد كتبو لقيتو بقول لي جارو التاني بصوت برااحه. لكني سمعتو.....قال ليهو عليك الله عاين فلهمه ود الجبل ده ما داير حتي يكلف نفسو يملا ورقتو !!... هو يايسريه ماعارفني. امي..!!لا بعرف اقرا. ولا اكتب ...!!وبنظرات الواثق من نفسو ومذهو بها شديد. اردف. وهو مثبت نظراته الواثقه هذه في عينيي ..ثروتي هسي كده !!.....ماشاء الله تبارك الله. رقم. لم يصادفني. في حياتي قط !!....واطلب منك طلب .....تفضل..... اعملي مقابله. ومناظره في الاقتصاد وعلومه ....وجيبي فيها اكبر علماء البلد في المجال ده ومعاهم عبد الرحيم حمدي. وزير الماليه الهسي ده وجيبيني وشوفي البيغلب اخوانو في الحديث منو !!!!....رحم الله عظماء هذا البلد جميعهم. ومنهم رجل البر والاحسان بابكر حامد موسي الشهير بود الجبل والنطاس الجميل ...البارع والنجم الساطع ....الفنان المفن ...صديق الفنانين والتعلاميين. وحبيب الملايين د. عوض دكام....ريحانه القلوب. وعطر المجالس..............
